الأحد، 7 أبريل، 2013

بينى وبين قلبك ......... الشاعر / محمد على

 
 
بينى وبين قلبِك
====
بينى وبين قلبِك مسافات

بتقَرب مرة وتبعد مرات
بتحَوِد تروى قصارى الحلم العشطانه ابتسامات
...
وتفَرَق ليل على كُل صباح
علشان يرتاح
ويكَمِل حِلمُه المِش كامل
وياكى
بتحسى بانى قريب منِك
جُواكى
مَقسومة ما بينَّا حروف الكلمه
ساجِنَّا الخوف المتدارى
خَلف رمُوشِك
لو ينفع أحوش اللى ما بينَّا
ويكون أوهام...
كُنت أحوشِك
واطرُد لَهفتى بَرَهّ عرُوقى
تِنضَح ف ايديكى الكِلمات
زى الندى فوق المرايات
تدوب معاها الأمنيات
وادوب
بين اللى جاى والذكريات
وانا بالمحِك
بتعَدى ع الحلم اللى مَرسوم ع الطريق
يمكن يطيق
يمكن يحس انه غريب
جُوَّه بلادِك
يمكن يموت
بين المسافة والسُّكُوت
يِعلن ميلادِك




ليست هناك تعليقات:

إرسال تعليق