في حبك يا مصر أنا ضحيت بكل غالى ونفيث .....
.في حبك يا بلدي هعبر كل المتاريس ...
.في حبك هحارب وأغزو أعدائك
فى حبك هسجد وادعى يحفظك ربى
بحبك هنبنى مصانع ونعمر بيوت
ونزرع سنابل تكفى الوجود.
.. احنا اللى هنبى مجدك
ينهض علمائك بيكى ..
..في حبك يا مصر
هنلم الهمم
وبسواعدنا نرفع العلمورأسك وكرامتك يا مصر.
. يا مصر بحبك
وكل يوم يزيد عشقى لـ اراضيكى كل شبر فيكى
ميادينك بحورك سماكي شجرك قمحك وزرعك
وهنخضر فيكى ونور ضربك بالعلمولياليكى
نرجع أمجادك ونهضتك ليكى رغم كيد أعاديكى..
. بحبك يا بلادي وعشقي يزيد ليكى
مهما شفت من أهوال وظلم هحيا لأجلك وأموت فيكى
فأنت أول عشق أول حب دق قلبي
وبعدين يا مصر حكايتك أيه؟؟؟
ليه كل ما نجمع شمل اهلك ونقول خلاص أيد واحده
هنبدأنبنى تطلع ناس أفكار وطوائف ومذاهب ثوار وأراء يشتتوا فيكى
تعبت يا مصر وحيرني حبك
هموت من خوفي عليكى..
.سهرانه أفكر فيكى .
وحيرنى فرقه اهلك وطيبه شعبك
قالوا سلميه وكانوا بينادوا بالوحدة
وفعلا خرجوا أيد واحده .
..ليه دلوقت بينادوا بالفرقة
ليه بيهدوا ولا يبنوش
ليه بساعدوا أعدائك ؟؟ ويهددوا أهدافك ليه الحيرة ليه الفتنه؟؟
على فين رايحين بيكى ولأدك على فين يا مصر ؟؟؟
سهرانه بفكر ومعذنبى حبي ليكى وهيموتنى خوفي عليكى
وقلقي من مستقبل لسه بنخطط له
. وبدعي مع كل آذان يحفظك الرحمن .
بدعي ربنا يهدى شعبك وينور بالوحدة ضربك
. ترجع الوحدة ونبقى أيد واحده تبنى وتعمر وتنور
يارب يامصر يطمنى عليكى ونرجع نتجمع تانى بحبنا ليكى .
ليست هناك تعليقات:
إرسال تعليق