الأحد، 19 مايو 2013

ليه يا قلبى ؟؟؟ ......... عبيرالرملى



كتير بسال قلبى امتى نتعلم
كتير بسال قلبى ليه يا قلبى بسرعه بتسلم
امتى نبقى ذى الناس نعرف  امتى نتكلم

امتى قلوبنا تتوقف ولا تدق ولا ترق ولا تتكلم
كتير بنقابل ناس وبنتصور انهم احسن الناس
ونتصدم ونتالم
كتير بنفارق ناس وبنتصور انهم يبيعوا الناس
المفروض نتعلم
كتير بنتخيل ان فى احساس
كتير بنمر بظروف بنتصور انها اصعب ظروف
وبتمر ولا نستسلم
كتير بنحب ناس ونثق فى ناس ونفارق ونقابل ناس
وكتير بسال وبتلقائيه بتكلم
كتير بنظن اننا اتعلمنا من جرح الناس
وقلوبنا قويه وتتحمل
كتير بنكتشف ان الناس مش ناس
وفقدوا الاحساس
وكتير بنشعر ان الحب مش مجرد احساس 
مصالح بتتحكم
كتير بنفكر اذاى نتعلم ندوس على الناس ذى الناس
كتير وكتيروكتيروكتير
كتير قلبونا تدق وعقلولنا بتتوقف وبنستسلم
ونقول الحب وسنينه
كتير بنمشى فى الدنيا مغمضين وراء قلوبنا ونرجع نتالم
ونتصور ان الحب عارفينه
كتير بندور على الحب ولم نقابله نندم
لم نحس بدقته فى القلب توجع
كتير وكتير وكتير 
كتيرنشعر بالالم ونشعر بالندم
حب يرفعنا لسما وينزلنا فاقدين وعينا
ونعود بازيال الخيبه نجرها ولا نتعلم ولا نتكلم
وهنفضل لامتى ندور فى نفس الدايره المغلقه اللى بتدوس على مشاعرنا
وبسال قلبى ليه نقابل ناس ونفترق عن ناس
ليه بنحب ناس وبنجرح ناس
امتى القلب يتعلم ويبطل يدق وبتلقائه نتكلم
كتير بسال قلبى امتى نتعلم
كتير بسال قلبى ليه يا قلبى بسرعه بتسلم

ليست هناك تعليقات:

إرسال تعليق