الأربعاء، 8 مايو، 2013

انت عمرى >>>>>>> الشاعر/ زغلول الطواب




لو مرت ثانيه 
من غير مشوفك

أحس بأنى
ضاع من عمرى
ألف يوم
وأنتى سايقه دلالك
وعاجبك عذاب قلبى 
كل يوم
قبل ما تهجرى
وتخاصمى وتعندى
فكرتى ولو شويه
العمر فيه كام
ألف يوم
أسألى قلبك
بيدق كام دقه
كل يوم
وكل دقه
قلبى بيدق قصادها 
ألف دقه
من ساعة ما بصحى
لحد ما يجى النوم
أحسبى معايا
قلبى دق كام
مليون دقه
فى اليوم
قلبى لو كان جبل
كان زمانه أنهد
ألف مره كل يوم
خلاص يا روحى
القلب مش قادر يتحمل
ولا باقى فى العمر
أيام تكمل
قصاد عنادك ودلالك
يا شمس حجبتها الغيوم
أيام الشتا طالت
خليكى زى مانتى
فى عنادك
خلاص يا حبيبتى
بطلت أعد النجوم

ليست هناك تعليقات:

إرسال تعليق