من الديوان الرابع همس الجراح

 

 

 

 

من الديوان الرابع همس الجراح
إيه غيرنى
وبتسأل ليه إيه غيرنى **ياما حبك كان بيسهرنى
فاكرك ياحنان يا ملاك وأمان"" **كان كله خداع بيدمرنى

أما انا دلوقت مبقاش ليا **ولا ليك عندى غير تعذرنى
القلب الطيب كسرته **والحلم الطارح قصرته
والوهم انا ليه إنى أعيشه **أرجوك تنسانى مش وقته
مش سهل عليا انى أسيبك **ولا أرجع تانى لتنهيدك
أنا خدت قرار وبدون أعذار **شوف غيرى يسمع تغريدك
حسيت بالنار؟ لا مش باين **كنت بنهار وانت الخاين
كان حضنى الدافى بيقتلنى **لما اسمع إنك مش حانن
إسألنى انا ليه كنت بحبك **وسمعت كلامك صدقتك
خليتك فرحى وأيامى **كان قلبى يسيبنى يروح عندك
إنما ضيعته بغرورك **وبتفرح لما أجيبهولك
وتعذب فيه وتجرح ليه **أنا ذنبى الشهد سقيتهولك
هسقيك م الكاس اللى شربته **وأبيعك زى ماضيعته
خليك جواك تكره نفسك **تتمنى الموت انا جربته
كلمات/عبد الناصر رجب