من الديوان الرابع همس الجراح
ومين قال لك
ومين قال لك
ومين قال لك بحبك بس ومن نفسى بتاخدينى
وعايشك فى الفرح والهمس ونار حبك بتكوينى
وعايشك فى الفرح والهمس ونار حبك بتكوينى
ده سر مابين أنا وقلبى ومين حاسه يانور عينى
بحبك بس ؟؟
ومين قال لك وحشتينى وطول الليل أنا سهران
بفكر إمته حتجينى واقرب من الخيال هيمان
وميت مره أنا منك ماهنتى القاضى والسجان
بحبك بس ؟؟
ومين فاكر هيفضحنى وكلمه ف قلبى بتبوحنى
بتيجى السيره أنده لك وباب الجنه مفتوح لى
ياميت غنوه بغنيها كمان بوسه ومسموح لى
بحبك بس ؟؟
ومين يقدر يشوف الشمس مايغرشى
وبدر ف ليلى وسكونى ومقدرشى
بخاف يمكن كلامى يكون مايوصفشى
بحبك بس؟؟
أنا ناصر ومش قاصر عشان تمشى أكون خاسر
بشوفك فى المنام أضحك وأصحى الشمس تتاخر
عشان انتى اللى بتنور حياتى إن انا شاعر
بهمس شفايفك الحلوه ورمش عيونك الساحر
بحبك بس؟؟
كلمات /عبد الناصر رجب
ليست هناك تعليقات:
إرسال تعليق