كتير احتاروا وسالونى عن غموض فى عيونى
لكن أنت لسه بتسالنى انا مين
روح هيمانه فى سمها
بدور على بيت صغنن وقلب كبير
على فرحه على حضن حنون
على قلب يحتوينى وحب حقيقى
انا قلب وحيد فى زمن مجنون
الحب فيه مش مضمون
الغدر فيه هو القانون
لسه بتسالى انا مين
انا تايه فى طريق بدور على الدليل
انا روح بترفرف من جرح دفين
انا قلب حزين وعيون غمضين
لسه بتسالنى انا مين
انا حالمه فى زمن الواقع فيه مرير
ليالى أحلم وانسج قصص واكتب دواوين
افراح وحنين وشوق ودموع واعيش الحب بكل معانيه
لسه بتسالنى انا مين
انا بحلم بعالم تحكمه القوانين
بعالم يغمره الحب والحنين
عالم يجمعنا ومحبه تجمعنا
بجار يصون وقريب يزور
بـ حلم بألفه فقدنها من سنين
ب حلم برحمه
بحلم نكون فى دنيا مش فى غابه
فى عالم تحكمه المحبه مش الديابه
لسه بتسالنى انا مين
انا تعبت من الانين ومن الحنين ومن الحب والمحبين
تعبت من عالم الغدروالصيادين
تعبت من المصالح اللى بتسرق احلامنا وبتضيع ايامنا
انا انا بنت مصريه ضاعت احلام طفولتها وشبابها
ولسه منتظره الكتير
انا بنت مصريه بتحب وتكره وتغرق فى دموع وانين
بنت مصريه بدور على الامان
فى حضن حبيب
فى حضن ارضها
وامان الطريق
فى صوره فى خيلها لحياتها لمصر امها
لسه بتسال انا مين
ليست هناك تعليقات:
إرسال تعليق