من ديوان عشانك
أوبريت فى شرع مين
الكورال
----
فى شرع مين إنك تشوف دمع الغلابه المطحونين
وهناك تلاقى أطفال ملايكه م العنا ماده الإيدين
أوبريت فى شرع مين
الكورال
----
فى شرع مين إنك تشوف دمع الغلابه المطحونين
وهناك تلاقى أطفال ملايكه م العنا ماده الإيدين
وزهور فى بستان الحياه طارح شجرها هم وأنين
فى شرع مين
--
المطرب السورى
بشار دبح أولادنا فى عز النهار ولا همهوش
صرخة ألم من طفل أمه اتكتفت وسط الوحوش
الدمعه نازله منها زى البارود يارب حوش
والشعب مين هيطمنه ويرجعه لحضن الجيوش
والفجر إمته ينورك ياسوريا إمته مايرحلوش
فى شرع مين
الكورال
----
فى شرع مين إنك تشوف دمع الغلابه المطحونين
وهناك تلاقى أطفال ملايكه م العنا ماده الإيدين
وزهور فى بستان الحياه طارح شجرها هم وأنين
فى شرع مين
المطرب الفلسطينى
عشنا انقسامات ع الحدود متغربين عن بعضنا
والزحمه سالخالنا الجلود والأرض دية أمنا
بتنادى ياللا اتجمعوا علشان مفيش غير ربنا
إسطول عدوى هدمره لو إيدنا واحده تعزنا
شفتوا اما كنا بنتحد واللا اللى عشناه ف بعضنا
الكورال
----
فى شرع مين إنك تشوف دمع الغلابه المطحونين
وهناك تلاقى أطفال ملايكه م العنا ماده الإيدين
وزهور فى بستان الحياه طارح شجرها هم وأنين
فى شرع مين
المطرب العراقى
ياللا اتحاد ياغصن مال ع الأرض باس الإنكسار
إمته العراق هنحرره لجل الظلام يصبح نهار
ونفك بإيدينا المآسى ونحس بالأرض الخضار
ميهمنيش أنا برضه أصلى ميهزنيش إلا الصغار
الدمعه تخطف قلبى منى والضحكه فى عينيهم كتار
الكورال
----
فى شرع مين إنك تشوف دمع الغلابه المطحونين
وهناك تلاقى أطفال ملايكه م العنا ماده الإيدين
وزهور فى بستان الحياه طارح شجرها هم وأنين
فى شرع مين
المطرب المصرى
ياحلو مين بيمررك وانتا فى أصلك نور ونار
والصعب ليه بيكسرك وانتا هناك شايل عمار
المصرى طول عمره أسد وف إيده شعلة الانتصار
أخرج بعيد عن حضرتك وانا حضرتى جنبك ثمار
تقطفنا عناقيد العنب تسكرنا نشوة الاحتضار
الكورال
----
فى شرع مين إنك تشوف دمع الغلابه المطحونين
وهناك تلاقى أطفال ملايكه م العنا ماده الإيدين
وزهور فى بستان الحياه طارح شجرها هم وأنين
فى شرع مين
كلمات /عبد الناصر رجب كامل
ليست هناك تعليقات:
إرسال تعليق