من ديوان عشانك
ملاك المترو
فى المترو شفت نهار جميل الخد أحمر والنن ليل
ملاك المترو
فى المترو شفت نهار جميل الخد أحمر والنن ليل
ورموش سيوف متقسمه أما العيون نسمة عليل
الغصن بان منه السهر والفرع داب فيه الحنين
مليان زهور متعطره وانا قلبى غنى ياليل ياعين
فى المترو
---
بصت لى قالت مش كده فيه ناس كتير مستغربين
الروح تبوح لك إنتا عمرى والشوق طرح مادد إيدين
من نظره منك بنكسف كلى عشانك إنت فين
ياغنوه عازفها القانون ياشمعه تكوينى بحنين
فى المترو
---
إسمك ملاك بس الملاك ليه وصف ممكن أشرحه
ملكيش مثيل ولا فرع نيل يروى العطاشى مطرحه
ده انتى الحياه اتخلقت عشانك وانتى المنى نترجى فيه
ينده تغاريد الصباح ينشد مواويل الضحى
فى المترو
كلمات /عبد الناصر رجب كامل
ليست هناك تعليقات:
إرسال تعليق