الثلاثاء، 20 نوفمبر 2012

(قصيدة ممنوعة

 
 
 
ولا خايفين ولا شجعان .. ولا أبطال ولا فرسان .. مااحنا قلنا من سنين .. احتاروا فيكوا العرافين .. المنحة من إيدكم ...خيانة .. والعزة في بلاطكم ..مهانة .. والقصر عشة من الصفيح .. والموت ف دنيتكم مريح .. غزة رمز من الرموز .. فيها مفاتيح الكنوز .. تطلب ازاي المروءة .. من شمطا دجالة وعجوز .. اقروا التاريخ وسط الوليمة .. وايديكوا تنهش ف الدبيحة .. الحقيقة صادمة وأليمة.. وغزة ليه نامت جريحة .. الدنيا زي الإخطبوط.. دراعاته حتطول ملككم .. وماتلاقوش حتي التابوت .. والقبر خجلان منُّكم .. في واحد اسمه المعتصم .. حرك جيوش علشان مَرَه... بكرة الخريطة حتترسم .. وتلاقوا اماكنكم ورا ..... قصيدة ممنوعة وأَكَم .. طردتوا شاعر عشان قوالة .. لو كنت باكتب للعَجَم .. كانوا فهموا مضمون الرسالة .. نادر محمد.......ا
 
يذكر أن نادر محمد عبد المنعم ...دكتور صيدلي من الاسكندرية ....صدر له ديوان الشعر الاول (قوللي انت مين)عام 2012من دار ليليت بالاسكندرية ....حاصل علي المركز الاول في مسابقة دارليليت لشعر العامية ...المركز الاول شعر مربعات مسابقة رابطة شعراء العامية المصرية


ليست هناك تعليقات:

إرسال تعليق