الأحد، 9 سبتمبر 2012

لســـــــــــانــــــا .................................الشاعر / ناجح شاهين




لسانا
سكنانا الظنون جوه حبة اسئله
حايره


ملهاش اجوبه
ومخوفانا

لسانا
ماسكين فى ماضي فات
ونسينا حاضر
ماشي يتسحب سكات
وسبقونا ناس
كانوا ورانا

لسانا
ناكرين اننا سبنا الامل
وركبنا خيل الامنيات
مسكنا فى الحلم المزيف
وتوهنا جوا الذكريات
وادينا بندور غدانا

لسانا
جوا العتمه
كارهين النهار
فاتت سنه
ولسا مش قادرين ناخد قرار
عايزين سنين فوق عمرنا تنضاف لنا
ولو اني عارف اننا
هناخدها للعتمه معانا

لسانا
بنركب حاجات
علي حلم تايه جوا متاهات السكات
معقول يا ناس
راح يتنبي حلم ويعيش
وهو مبني بدون اساس
ولا السلاحف ممكن تجازف
فى سبق ويا الغزاله


ليست هناك تعليقات:

إرسال تعليق