السبت، 6 يوليو، 2013

مالك يا دنيا ...... عبيرالرملى



مالك يادنيا
مالك كدا يادنيا

كل يوم بحال
ساعه تاخدينا بفرحك
وساعه بالاحزان
وساعات اتمنا ودك
ولا تسالى
وساعات استنا شمسك
ولا تشرقى
مالك كدا يا دنيا
فى الفقير بتلطشى
فى الغنى بتعظمى
ليه الناس فيكى مستويات
ناس فوق الاعناق تترفع
وناس بالاقدام تنتهى
ليه قسوتك زادت على المسكين
وجنتك دائما للقادرين
الطيب فيكى ملوش مكان
مالك كدا يا دنيا
يوم تضحكى لينا
وأيام تضحكى علينا
يوم تفرحينا
وأيام تبكينا
مالك شايفه نفسك علينا
بتتكبرى وتتبغدددى
مالك كدا يا دنيا
صعبان عليكى
تريحينا تطمنينا تضمينى
صعبان عليكى تصفى لينا وتضحكى
صعبان عليكى توب الفرح تهدينا
أحزانك ملئت ليالينا
أظلمتى نور عنينا
مالك يا دنيا متفرعنه
وطايحه ومبلطجه علينا
كفايه وبوجهك قابلينا
رحبى بينا
بالافراح استقبلينا
بالزينه والتعاليق والاضواء نورى ليالينا
مالك يادنيا

ليست هناك تعليقات:

إرسال تعليق