الحلقة الثالثـة من " يـــــــوميات مــــوظف ."......... عبيرالرملى

لبست  وانا نازل يا حازم يا حازم ايوه يا احمد بابا بيقولك تبقى تجبلنا عيش فينو وانت

راجع يووووووه طيب حاضرطب ما فى عيش لا هات فينو عشان سنان ماما مش بتعرف تاكل العيش اللى هنا حاضر.

نزلت رحت الكافية ل اصدقائى  ملقتش غير سمير مساء الفل عليك اهلا اخبارك يا برنس عملت اية انهارده هقولك بس فين حمدى هو مش فى اجازه اليومين دول ايوة فى اجازه بس ظروفه ملغبطة عنده شوية لية خير يارب الشركه خلاص هتقفل وهو مش عارف هيعمل اية هيقعد فى البيت يعنى اهو بيدور على شغل من ناحية وابنة عيان كمان

 قولتلة يا نهار ابيض هو قرنا علية قفل الشركة هههههه قعدنا نقول هو ال فالح اللى فينا وبيقبض مبلغ وقدرة يا عينى عليك يا حمدى طب صحيح هيعمل اية وعيالة هيصرف عليهم اذاى ياما قولتلة لم كان بيجيله فرص كتيريسافر بره وكان يرفض بس هو مهندس  ودلوقت عنده خبرة يقدر يشوف بره شغل .... م تتصل بية تشوفة فين نحاول نساعده فى ظروفه دى

قالى مش هينفع بقولك ابنة تعبان قوى وراح المستشفى عشان يكشف علية حجزوه ومن ساعتها بعيد عنك من اشعه لتحاليل حوار كبير وعمل عمليتن وبيقولى لسه فى مشاكل والله انا مش عارف ده هيجيب منين المستشفى خاص واخدوا مبلغ كبيرفى البداية تقريبا باع غويشه مراتة  على الفلوس اللى كانت معاة .... عشان يدفعه والعداد بيعد الله يكون فى عونة قولتلة كفاية قفلت اليوم حرام عليك اللى يشوف بلوه غيره تهون علية بلوته

وماجد فين  مجاش لية هو كمان فى الكنيسة قالى كنيسة اية هو قالك رايح الكنيسة قولتلة لا قالى طب اشمعنا ... تصورت انه فى الكنيسة بناء على اية هههه قولتلة عشان كان بيقول فى عروسة هيشفها قريبة واحدة والدته تعرفها وهيتقابلوا فى الكنيسة يتكلموا بعد الصلاة....  قالى الله اعلم على كل حال ده ممكن نتصل نطمن العروسة عجبتة هيتجوز ونخلص منة اهو يبقى فى حد عمل حاجة فى الشله الفاشله دى هههه

ومحمد اعتذر رايح مع والده عند الدكتور ، طيب يعنى مفيش غيرنا انهارده ،،، ايوه يا سمير باشا ما تيجى نتمشى على الكورنيش واحكيلك بقى عملت اية فى الشغل انهارده واهو اخد رائيك اكمل مع الناس دى ولا اخلع وارجع تانى مكانى...  واشوف شغل اضافى ذى ما والدى قالى  انا قولت كدا هههه ..... وسمعت سمير بيضحك لم قال يا بس قولتلة فى ايه ياض انا بقولك نكت ... قالى هو انت كنت لاقى شغل لم هتلاقى اتنين وبعدين الاول كنت متفرغ ومعرفتش تلاقى شغل دلوقت انت وراك اساسا شغل وبمواعيد حضور وانصراف اذاى متصور هتقدر تشتغل الصبح وبعد الظهرواغلب الشركات عايزه ناس خبره وانجليزى وكمبيوتر والسن يا كبير مفيش حد بيقبل بالسن الكبير ده الحكومة نفسها لم بتطلب ناس بدور على السن

قولتلة ما ياعمونا انا مش هينفع اعمل قرش بالشكل ده ولا يكون لى دخل محترم اتسند علية ووالدى خلاص تعب كفاية الدروس اللى احمد اخويا بياخدها ومصاريف البيت والاسعار انت شايف عاملة اذاى ... انا لم بشوف والدتى اول الشهر وابويا ماسكين الحسابات يشوفوا الدنيا هتمشى اذاى بيصعبوا على....  تخيل لو فى حد ذى منا تعب مش عارف ممكن نعالجة اذاى ولا يدخل مستشفى والتامين بتاع ابويا بيزود المرض عنده عشان يعمل اشاعه ياخد معاد بعدها بشهر وعشان يكشف عند الدكتور شهر تانى او عشرين يوم ووالدتى معندهاش تامين قالى حرام عليك بتقولى انا قفلتلك اليوم

طب ما تيجى نشوف فرصه عمل برة قولتلة لا يعم لا بره ولا جوه كل اللى بيخرج بيسف التراب ويتحرم كمان من اللقمة والكلمة اللى تصبرة من اهلة واديك شايف الناس اللى بتغرق فى البحر " وهجره غير شرعية وعقود بتاعه عمال وبهدله طب بهدلة ببهدلة انا هنا فى وسط اهلى بدل ما ارجع على ظهرى" قالى يخربيت شكلك انت فقرى انهارده ولونك غامق وانا مش طايق نفسى اساسا خلاص عملت اية انهارده بقى احكى

احكى يا سيدى عن شغلك عملت اية انهارده بص يا سيدى وبدات احكى ل سمير قولت اكيد هيفهمنى بص انا تعبت انهارده جدا لان شغل الكمبيوتر والملفات ده كتير مش بيخلص  بالاضافة الى المعاملة بقى صعبة وخنقة كل واحد عامل مدير ومحدش عارف مين مدير على مين

المكان الجديد فية شغل كتير ،المديره مدام عنايات تحس انها كشرية ومش بتكلم طول الوقت غير فى الشغل والالتزام وكلام كبير تصدقة بس المشكله انه مش بيطبق غير على بعض الناس اللى مثلى لسة تعيين جديد او العقود اما الكبار بقى واخدين حقهم

يعنى فى اتنين معانا فى الاداره بس مش فى الحاسب ، حسين وسلامة دول متقدرش تيجى نحيتهم بيجوا على كيفهم ويروحوا على كيفهم وممكن ميجوش وكمان الزملاء يمضولهم مش عشان شيلين شغل لسمح الله ولكن هى كدا متسالش منطقة محرمة هههههه

وفى الحاسب فى الانسة منار دى ملتزمة ومركزه فى الشغل وبتقفل على الناس وتحاول تطبق القانون وعايزه الناس تلتزم وتشتغل وكدا يعنى وطبعا الكل مش طايقها لانها جد مش بتاعه عك دى لو اشتغلت بره الحكومة كانت عملت فلوس صح بس فهمت منها ان ظروفها لا تسمح دى بتدينى الشغل وتابع معايا وتعلمنى اعمل اية

واستاذ ممدوح اللى اغلب الوقت ساكت يخرج يصلى ويجى يقعد ملوش دعوه باللى بيحصل يعمل شغله وبس ده راجل الناس كلها بتحبة او مش حاسة بوجوده ماشى بنظرية دع الخلق للخالق  ده ممكن لو مضايق تروح تكلم وهو لا يرد ولا يعلق ويقولك معلش يا ابنى اتحمل كل شغل فية مشاكل شكرا يا حاج هههه

واستاذ نبيل ده بقى اسم مش على مسمى خالص لانة بيحب يقوم الناس على بعضها وفاكر نفسة مدير وكل شويه بموقف شكل تحس انه فاضى من جوه وعامل فاهم بحس انه مسطول اغلب الوقت وتصرفاته مش طبيعية  انا بتجنبة لانى مش عارف الكاتلوج بتاعه متلون ومنافق

والانسة موهجة دى بقى رقيقة ومدلعه خالص وعامله فيها فيرجينيا طول الوقت بتمشى امورها بالكلام المزوق ومقضياها، ومستغرب فى ناس بتعمل شغلها وهى مكبرة ومحدش بيعترض مسندوين يا عم بقى المشكلة انى مش عارف هقدر اروح بدرى والتزم وامشى اخر النهار وطول الوقت شغل حتى الاكل ممنوع اكل اى شئ وانا قاعد اشتغل انا راجع البيت عايز اكل حد يا سمير ودخلت نمت وصحيت لقيت كشرى ومرشح كل يوم

 بس الحاجة الوحيدة اللى حلوه فى الشغل ده ولو قعدت فية هيكون عشان هالة  بنت اية عجبانى قوى يا ابو سمره امورة وفى حالها انا مرتاح لها وهى شكلها مرتاحه فى الكلام معايا حتى قعدت تحكيلى انهارده واحنا ماشيين لمحطة الباص على المكتب والمشاكل اللى فية وقالتلى خلى بالك فى ناس هنا ربنا مش بيقدرهم على فعل الخير وبيحبوا يولعوا الدنيا ويقفوا يتفرجوا وناس لهم تاثير على المدير وبيسمع منهم المهم خليك فى حالك م تكلمش مع حد لان لو قولت كلمة حلوه وحشة ممكن تعملك مشكله قولتلها يعنى اللى يكلمنى اقولة ذى نيلى  فى الفيلم فعلا الجو جميل عندك حق هههههه ضحكت قالتلى ايوه اعمى واطرش واخرس

قولتلها انتى قاعده اذاى فى الجو ده قالتلى اعمل اية انا فى حالى  والدى متوفى والمعاش بسيط ومش بيكفى علاج والدتى والاكل يعنى شغلى بصرف على نفسى منة عشان كدا مش بحب اتدخل فى شئ وبعامل ربنا بص اشتغلت  او اتظلمت كله ربنا عالم بية مهما كان اللى بتكلمة فى اقوى منة ضحكت وقولتلها انتى منتظره بقى الاخره عشان تخدى حقك عشان مش لقيه حقك فى الدنيا ههههه

قالتلى خليك فى شغلك وملكش دعوه مين بيجى  مين م بيجيش مين محترم مين مش محترم ولا تقول ده بيشتغل ولا ده مش بيشتغل واشمعنا انا نصحتك وانت حر بقى سلام انا هركب الباص ده.

سيبتنى حيران على المحطة يا سمير وخدت قلبى معاها كان نفسى نكمل حواديت بس هى فى الظاهر

سمير اتنهد وقالى ساكن فى حى السيده وحبيبى ساكن فى الظاهر قولتلة يا شماته ابلة ظاظا فية ههههه قالى

خد بالك منها هى كمان طالما المكان قلق كدا يبقى خليك بعيد عن الكل وريح راسك يا سيدى قولتلة ربنا يستر انت هتقلقنى لية مش كفاية اللى انا فية مصدوم يا شيخ المخزن كان ارحم يمكن كان فى ناس بتقلب عشها من تحت الترابيزه بس انا مليش دعوه ملتزم بشغل كتابى معين وع الجهاز الكمبيوتر بنام وذى الفل ههه بس كنت بخاف يحصل حاجة وياخدونى فى الرجلين اروح فى داهية لانى شايف ومش بتكلم بس هو الوضع كدا وانا حجمى اصغر من انى اتكلم ما كان على يدك كل العك ده على يديى المهندس كان قاعد هنا وام المهندس قاعده هناك

اه انت بتسلى على بقى صحيح ما اصلك مستفرد بية وكلهم عاملين غياب تعرف كنت هاكلك ترمس بس خساره فيك

قالى خلاص بقى جرب المكان اللى انت فية وشوف قدرت هتقدر تسد كمل ليقتة واسع عليك

ومش هتقدر شوف مكان كويس انقل جنب البيت واهو بدل فلوس المواصلات اللى بتركبها حرام وارهاق فى المواصلات اكتر م الشغل اه والله عندك حق يا ابو سمرة انا بصرف وقت وجهد عشان اوصل الشغل وبتعب وانا راجع بشكل يمكن اكتر من تحميل الشغل على تعرف يا سمير احنا اكتر بلد لا تعرف قيمة الوقت تلاقى الناس تقولك عادى اللى يخلص فى يوم يخلص فى اتنين وثلاثه كله مكبر يا معلم يالا ذى الفل

ما علينا انت عامل اية يا ابو سمره فى شغلك .وحماتك وخطيبتك....  انا الحمدلله قولتلة قول مالك خير شكلك بيقول فى حاجة  

يووووووووه حاجات يا حازم بس مش عارف اعمل اية ومش الشغل وبس خطيبتى وحمات المستقبل كمان تعال انكد عليك يالا ما هو يوم ظلمة قولتلك نروح بدل الغم ده قول يا سميرواهو النيل جنبنا نخلص ونقفز هههههه
استنا فون يا ترى مين اكيد بابا بيفكرنى بالعيش الفينو عشان الحجة الوووو الووو ايوة حمدى مالك يا ابنى الحقونى بسرعه فى اية انت فين ابنلك عمل اية 

تعال يا حازم وهات سميروماجد ومحمد كل اللى فصيلة دمة اوووه عشان ابنى كيس الدم بالشئ الفلانى ومش لقينة لفيت كل المستشفيات تخيل كيس الدم وصل80 واكتر 

حاضر جيين حالا مستشفى اية  فين دى اوصف يا حمدى طيب خلاص عرفتها ... سمير هتصل ب ماجد واشوفة فين وانت اتصل ب محمد عشان ابن حمدى عايز دم بسرعة 
الو الو ايوه يا ماجد انت فين فى الكنيسة انا مش قولتلك بشوف العروسة مع والدتى طيب خلاص فى اية مفيش خليك فى موضوعك لا طمنى اية اللى حاصل

حمدى ابنة فى المستشفى وعايزنا نروح نتبرع بدم طيب انا هقول لوالدتى تعتذرلهم واجى وهجيب جرجس اخويا معايا حالا

سمير كلمت محمد ايوه قالى هحصلنا على المستشفى قولتلة وماجد وجرجس هيحصلونا 
يارب استرها ...