الثلاثاء، 12 مايو، 2015

يوميات موظف .... عبيرالرملى




انا حازم عايش مع والدى ووالدتى ولية اخ اصغر منى بس منكد على حياتى طول
الوقت يضايق فية وعايز يستحوذ على حب ابويا وامى ومخلى صورتى دائما بتصرفاتة انه الولد الوفى اللى بيحهم وبيتعب عشنهم ويسمع كلامهم وهو بقى الطفل المدلل كل طلباتة مجابة وساعات اشعر ان والدى ووالدتى بيفضلوة على بس بقول فى الاخر هو صغير وبكرا يكبر ويشيل الهم مثلى

بقالى 4سنيين قاعد فى البيت خلصت ليسانس حقوق ومش لاقى شغل كل يوم انزل ادور واقرا الجرائد اعلانات ووظائف خالية وانزل اروح شركات واملئ استمارات اللى بـ 10 واللى بـ20 انا حققت الرقم القياسى فى عدد طلبات الشغل اللى قدمتها 4 سنين على القهوه فاضى بقى وشكاوى وتظلمات ولا حياه لمن تنادى

لو جمعت الفلوس اللى صرفتها على تعليمى وعلى القهوه واستمارات الوظائف الخالية كنت عملت مشروع استثمارى ولا فتحت سوبر ماركت ذى جارنا محمد ساب التعليم وقعد فى محل والده واتجوز وبقى عنده ولدين

بس مش مشكلة الحمدلله خلاص انا لقيت شغل وفى الحكومه تخيلوا قابلت صديق والدى بالصدفة على القهوه قالى تعالى اعملك عقد وعملت عقد وبكرا اول يوم ليه فى الشغل هو العقد بـ100 جنية قولت بدل ما بصرف اكتر منهم على القهوة واستمارات التوظيف اجرب وهو قالى  هيبقى فى حاجات تانية حوافز تسند شويه حتى لو المواصلات انا ساكن فى السيده وهصرف يجى 10 جنية فى اليوم اهو استلف الفرق لحد لم السنه اللى قالى عليها الحاج صلاح تعدى هههه طالما بعد كدا هتعين ويبقى المرتب والدخل اكبر ذى ما قالى الحاج صلاح

نمت بدرى وانا متعود طول الليل اقعد على النت وجهزت ملابسى وقولت عشان متاخرش ظبط الموبايل وكنت سعيد اول مره اشعر فى ورايا حاجه هصحى عشنها واشيل همها

المنبة رن الصبح وصحى البيت كله يوووووه بقى اسكت قفلت المنبة ونمت لقيت ابويا فوق راسى يا ابنى يالا الحاج صلاح بينادى عليك قولتلة حاضر

يووووه امرى لله اقوم بقى ابقى اكمل الحلم لم ارجع رحت مع الحاج صلاح الشغل وقلولى انت هتقعد ع الجهاز ده تدخل بيانات المخزن كل يوم من 9 لحد الساعه 2 قولت مش مشكله

اول يوم كان كويس رغم شعرت فى ناس كانت مضايقه منى مش عارف ليه ولكن اهو تغيير بدل القهوة فضلت كل يوم اروح 10 ع لبال ما اقدر اقوم وانزل اصلى رجعت اسهر على الفيس واروح الصبح  اكمل نوم على الجهاز الكمبيوتر وبمشى الساعه 1ظهر اصل مفيش حاجه اعملها نادر يجيلى شغل بس اهو سنة وتعدى وفضلت على امل التعيين 5 سنيين لحد لم جية اليوم الموعود

واتعينت فى الحكومه بقيت موظف على درجه الثالثة وبقى لى مرتب 400جنية وقالوا فى حوافز يا مسهل ....... لكن مؤهلى مش متوافق مع الشغل قولت اجرب اروح مكان تانى

طلبت انقل فى مكان غير المخزن واحد زملينا قالى تعالى عندنا فى الملفات اهو بدل بهدله هنا وبردوا على الكمبيوتر والله انا قولت اجرب وقدمت الطلب بتاع النقل قالولى لا انتداب بس وافقت اهو لو مرتحتش اعرف ارجع انام تانى وبقيت متعين مرتب وحوافزوكدا يعنى

بكرا اول يوم لية فى الاداره الجديدة نمت بدرى لسه مش عارف نظامهم اية وصحيت ع صوت المنبة الرخم ده واخويا اللى خنقنى قوم بقى بطل كسل عشان تبطل تسهر على الفيس قولتله هى نقصاك اصلى وصحيت نزلت اول ما دخلت الاداره الجديدة لقيت ناس قاعده ع اجهزه وناس قاعده وسط دفاتر مش شيفها وارفف ايه الجو ده مفيش مكان رايق انام فية ناس كتير والحجره صغيره

بس اول ما دخلت يا معلم لقيتلك واحده قاعده ع الكرسى اللى فى وش الباب واحده مين دى يا جماعه قالولى المديره وفعلا طلعت المديره قالتلى من اولها مواعيدك الساعه 9 الصبح والانصراف 2 بالضبط قولتلها حاضر جهازك اللى هناك ده تيجى تقعد هبعتلك حاجات تعلمها وزميلك هيفهموك استاذ اسامه فهم حازم هيعمل ايه الله الله اية الجو ده شغل اية ده الكلام بجد بقى اه رحت مع اسامة باشا اية شغلى بقى قالى وهو مكشر مش عارف لية انت مستعجيل على اية انت هتشوف ايام ذى الفل

بصراحه انا اطمنت وكان عنده حق فهمت منه الشغل وكانت الساعة بقت 1.30 قولتله مش هنمشى قالى احنا بنخرج  من هنا2 قولتلة طيب


وخرجت من الشغل مش شايف امامى مش نايم طول الليل وصاحى بدرى وملقتش مكان انام فية فى الشغل وقفت على المحطة والدنيا شمس فظيعة انى الاقى حاجة اركبها ساعه عشان اروح واخيرا وصلت البيت لقيت والدى بيقولى عملت اية مبروك قولتلة مبارك مش مبروك وطلبت من امى الاكل طول النهار شغل ممنوع نقعد ونشرب وناكل ذى المخزن كنا برحتنا نوصل نجيب الفول والطعمية والباذنجان وحشنى اكل عم محمود بتاع العربية يووووه ايه النكد ده امى قالتلى كل اى حاجة لسه الغداء مخلصش كمان هى ايام ذى الفل فعلا ودخلت نمت ودى كانت بدايتى مع المشاكل

ليست هناك تعليقات:

إرسال تعليق