الاثنين، 30 ديسمبر، 2013

لبى النداء...... عبيرالرملى



لبى النداء
يا ابن مصر يا اللى شيلت حملها فى وقت الضيق

يا ابن مصر يا اللى ل بيت نداء شعبها
ونزلت تحرص ارضها
ولملمت حوليك قلوب ولادها "جيشها وشعبها "
مش كتير على مصر الفرح
كفايه احزان وجراح سنين
مش كتير مش كتير
ع الشعب يوم يعيش امير
مش كتيريختار رئيسه ويحدد مصيره
مش كتيريحاسب فيها الكبير
مش كتير يختار بطل من بين ولاده
يحمى ارضه ويصون عرضه
يرفع رايته يعلى قيمته
مش كتير على كل ام شهيد فى مصر تبدل توب الحزن بالفرح
مش كتير نمسح دمعها
مش كتيرتشرق شمس ابتسامه تجمعنا
مش كتير لم نضمد جراح الشعب ونختار كبير
مش كتير لم تخلى ابن من ولادها يشيل حملها
يعبر بيها وبشعبها ويفك اسرها
مش كتير على مصر يا سيسى تكون كبيرها
تكون حميها واولادك يضحوا بعمرهم من اجلها
من اجل تراب ارضها
مش كتير تفرح قلوب اتعذبت على مر السنين
قلوب ناضلت ولسه بتناضل من اجل مصر
مصر عارفه مين ولادها المخلصين
و شايفه ان الحمل عليك كبير
لكن شعبها وثق فيك ولسه بيناديك
اراضيها وحريتها امانه وضعها بين ايديك
دين عليك قوم ولبى
قوم ووفى دينك لها ولشعبها
قدمت روحك ورفعت راسنا يوم ماندالك شعبها
ولسه المشوار طويل قدمت ولسه هتقدم كتير
مصر شايله حمل وحلم امه مش بلد وشعبها
مصربتحملك وتعينك عليه امين
ناوى توفى ديونك لمصر ولشعبها
ولا هتخذل شعبها ويضيع اسمها
ناوى تلبى نداء فقرائها
مصر محتاجه قلب اقوى من الحديد
عزم وشده وعطف يلم ولادها
قلب يخاف عليها ويعلى صيتها
مصر بتنادى عليك قوم ولبى

قوم يا سيسى مصر بتناديك

هناك تعليق واحد:

  1. لبيك يا مصرنا فانت الام والدفي لبيك يامصرنا

    ردحذف