الجمعة، 12 يونيو 2015

الحلقة السـابعـــة من " يـــــــوميات مــــوظف ."......... عبيرالرملى




السلام عليكم اهلا اتفضل يا حازم ربنا يخليكى انا اقولك اسلم بس واقولك ترجعى
بالسلامه واخد امى اوصلها للبيت اهلا بيك يا حبيبى هدعيلك فى الحرم ربنا يرزقك ببنت الحلال اللى تسعدك يسمع منك يارب يا حاجة

طيب يالا يا امى عشان راجع لاصحابى حاضر يا حازم استنا الحاجه ام حسن وبننتها هبة جاية معانا ومالة اهلا بيها تفضلوا اوصلكم وارجع للقهوة

انت يا اخويا مستعجل على القهوه مش بتزهقوا منها يا حاجه ام حسن هنعمل اية واخبار حسن اية بخير

الحمدللة كويس بس حالة مراتة يعلم بيها ربنا بتابع قال اية مع الدكتورة بتاعه النسا كل يوم تنزل تدفع فلوس مش عارف يسد عليها علبال ما يعدى ال9 شهور يكون الواد فلس لم نشوف هتجبلة اية

يا امى وبعدين اسكتى يا دكتورة هبة انت مسلمتش على هبة يا حازم لا اذاى انا اقدر ازيك يا دكتورة عاملة ايه

الحمدللة بخير بس اية لازمه دكتورة والكلام ده قولى هبة انت ناسى احنا جيران اه طبعا يا حبيبتى اعز جيران ربنا يخليكى يا ام حازم يارب يديم المعروف ويقربنا كمان
الحمدللة وصلنا طب يا امى اتفضلى بقى ادخلى وانا استاذن ربنا يخليكم لبعض

يوه ما ابنك مستعجل علطول كدا لية يا ام حازم معلش يا ام حسن هو الجيل ده كلة كدا مستعجيل ماما نعم يا هبة خليكى بقى مع ام حازم انا هروح اجيب الشنطة

شنطة ايه الوقت اتاخر يالا يا هانم على البيت خلينى ارتاح شوية تعبت مش قادرة ريقى نشف م الكلام

طيب سلام عليكم م كنتى جيتى شويه يا ام حسن لا معلش تعبانه عايزه اريح شوية  لا الف سلامة عليكى تسلمى هدخل اريح انا كمان لان ركبتى مش قادرة منها

السلام عليكم شلة الهنا عاملتوا اية فى غيابى النشرة مالكم نشره اية يا حازم انت اية حكايتك مفيش امى كانت عاملة كمين عشان اشوف بنت ام حسن " الدكتورة هبة " انتوا عارفنها ايوة ايوة طب ومالة ده بنت حلوة ودكتورة واهو اللى تعرفة احسن من اللى متعرفهوش

ههههههه اية بتضحك لية يا سمير اصلى بعيد عنك فى مثل بيقول اللى اتجوز قبلى ولا قاليش يوووووه جحا طب انت لسة على البر خاطب

م انا هقولك البر شكله اية وبعدين فكر اذا كنت تقدر تنزل ولا خليك بعقلك بص قبل م تكلم انا قولتلك فى انسانة انا عايز ارتبط بيها اساسا

نعم انتوا فى اسرار بينكم لا يا حمدى بس انت كنت مشغول بموضوع ابنك هو عامل اية دلوقت الحمدللة الادوية اللى كانوا بيدهالوا هى اللى كانت بتخلية يرجع كل شوية الحمدللة بس انا متابع مع دكتور ابن حلال محترم يتقى اللة

المهم نسمع بقى القصة اية حكاية البنت اللى بتحبها دى امتى وفين واذاى

طب مش لم احكى انا الاول عن مصيبتى مع حماتى وخطيبتى اصبر يا سمير نختمها بالغم خليك ليوم نكون فين مبسوطين نكد انت علينا الراجل بيقولك بحب تقولة مصايب وحماتى وخطيبتى وجحا يعنى يرضى ربنا سيبة يحلم خلى الكوابيس بعدين هههههه

خلاص يا حمدى سيبة هو تعبان من فتره ومش عارف يفضفض ههههه بدل م يتحنن قول يا سمير الحكاية اية

مفيش انت عارف انا اتفقت مع ابو العروسة انى اجيب حجره النوم وامها دلوقت مصمم اجيب الصالون كمان غير بقى الفرح كل يوم امها تطلعلى بند جديد وبعد ما كنت متفق اننا هنشارك فى كل شئ عايزه تخلع ولو دخلت عليهم مش معايا كيس فاكهه ولا تورتة تبقى مقابلة يعلم بيها ربنا ومعاملة هباب

نزلت انا وهى ومناك عشان نتفرج على الشبكة انت فاكر اللى عملتة بعد م كنا متفقين على خاتم ومحبس راحت مختارة حاجات مباتش عارف ادفع ثمنا منين غويشة اصل م يصحش تبقى مفيش شبكة وخدت اللى معايا كلة ساعتها ودلوقت انا مش معايا غير اللى حوشتة من المرتب ان عارف انا مرتبى 1500 جنية لا يجيب ولا يودى وبعد4 سنين خطوبة جاية تقولى عايزه كمان صالون مش عارف اجيب منين طب جمعيات ودخلت سلف واستلفت اشتغلت شغل صبح وليل انا خلاص بجد كرهتنى فى الزواج وبفكر افركش الدنيا وبلاش منها جوازه

ده لو امى مكنتش هتعقدنى معاها كانت هتعمل فية اية ده جرجس كان بيحكيلى الشقة وصلت ل600 و500 الف جنية واللى على القد حجرة وصالة وصلت 300و400 الف تمليك والايجار بهدلة كل يوم والتانى شايل عفش بيتة عشان ايجار جديد والقديم بياخد خلو
مش تحمد ربنا بقى لا عمالة كل يوم تطلع حاجة كدا انا مش عارف هعمل اية الفلوس دى مش هتكفى النوم والصالون طب هى هتنجد بس وتجيب المطبخ وكل حاجة عمالة ترمى علية وانا مباتش متحمل وكلمت ابويا قالى بقولك اية انت شايف اخواتك مش مخليين معايا شئ طب اعمل اية

اهدئ يا سمير مينفعش بعد 4 سنين تسيب منال حرام عليك وبعدين دى بتحبك وانا كمان بحبها يا حمدى بس اعمل اية

بص يا سيدى انت قولها نجيب حجرة النوم والفرح وكفاية بعدين نبقى نجيب اللى ناقصنا انت بتهرج ده عايزه الثلاثجة والسخان والاجهزه كلها قبل م ندخل عايزه الشقة مفروشة بكلة بتقولى 4 سنين وجاى تقولى مش معايا

لا والفرح لسة عرفت من منال عايزه تعملة فى نادى نهار ابيض هتديب للنادى ده منين
انت عارف يا سمير اقل نادى هتدفع كام لية كل المصاريف دى مش عارف يا حازم قولى اعمل اية طب انت ممكن تكتب فى المسجد وزفة كويسة وخلاص العريس للعروسة وكل واحد يروح لحالة تعرف انت لو عملت اية بردوا الناس هتخرج تكلم وتقولى شوفوا فستان العروسة لا شفت امها ولا ام العريس هههههههه يبقى رايح من القلق على الضيق وخلص

والله احاول بس انا لا اعتقد ان حماتى هتتنازل عن الفرح ده عزمت نص البلد من قبل م نفرش وامى بقى على اخرها لانها مش عايزه حد يقعد معاها بتقولى هو فى مكان ورجعت للمرشح القديم والحاج راح شاخط فيها قالها وبعدين هنعيدة والله خايف الدنيا تولع بعد كدا بين منال وامى وخاصة ان حماتى بتحشر نفسها فى كل شئ ولها تاثير عجيب على منال

معلش كله بيعدى بس تتجوز مع والدتك افشل م تنتظر تجيب شقة هتتجوز فى المسنين وانت منتهى الصلاحية وهى ماشية على عكاز هههههه

هرج يا جرجس ما انت م شايف اللى انا فية لا يا حبيبى انا شايف اكتر منة حماتى وحمايا كل يوم واخدين مهندس الديكور وبيغيروا فى الشقة لم دخلت دلوقت على 800 الف جنية ديكورات وسيراميك وخلافة والعمال مطلعين عينى ومهندس الديكور تقريبا حد مسلطه على شكلى هقتلة فى الاخر واروح السجن فية

على اية قلبك ابيض يا ربى يعنى لا اللى معاه فلوس عارف يتخلص شقتة ولا اللى مش معاه عارف يعيش دنيتة

انتوا قلبتوها نكد كدا لية قفلتوا اليوم هو كل يوم نجتمع عشان ننكد على بعض بقولكم اية يالا نتمشى شوية ع الكورنيش الجو تحفة

لا يا سيدى انا هروح عندى شغل الصبح اه عندك شغل ولا عشان الموزه يا لئيم

سمير بقولك اية متكلمش عليها كدا نعم من اولها يادى المصيبة شكلك وقعت ومحدش سمى عليك اه يا حمدى نعم طب ما حلو الحكاية بتاعة حازم كانت افضل من الغم ده اللى قفلنا بية اليوم

سيبوه اصله فى سنة اولى هو دائما فى اولة كدا خطوبة اية وجواز اية ده انتوا هتشوفوا ايام سودا ههههههههه اسكت يا سبع مراتك دخلتك ولا لسة قاعد على السلم هههههههه انا ماشى سلام اشوفكم بكرا على خير

ليست هناك تعليقات:

إرسال تعليق