الجمعة، 3 أبريل 2015

لية يا دنيا .... عبيرالرملى





الحياة امل 
اذا فقدت الامل فقدت الحياة
ايتها الحياة هاتى اقسى ما عندك
ليه يا دنيا 
قوليلى يا دنيا العيب فى مين
ليه يا دنيا ولادك بقوا قاسيين علينا
فين الحنين فين الدفئ والعيون المشرقين
ليه يا دنيا بتجرحى فينا وليه غابت ليالينا
العيب فيكى ولا فينا
قوليلى وديتى فين ضحكت عيوناواحلامنا
فاكره زمان لما كنا جنب البحيره
فاكره زمان لما كنا فى الجنينة
فاكره فرحه عنينا فاكره واحنا صغيرين 
فاكره كمان حلمى الكبير اكون سفير لا امير
فاكر بلونات العيد فاكره برج الجزيره
فاكره احلامى وانا بين ايديكى
هو العيب فيكى ولا فينا
ليه يا دنيا مش شايفة منك غير قسوتك
ليه كل ما تصفى واقول هشوف يوم ضحكتك
تدينى ظهرك
وتجرحى وتجرحى
ليه يا دنيا
 العيب فيكى ولا فينا
مش شايفه منك غير عذاب ودموع عنينا
ليه يا دنيا كل ما قول شمسك هتشرق
تغيمى وتظلمى وتظللى بحزنك علينا
ليه يا دنيا كل ما قول هتلبسى فستان زفافك
تلبسى توب الحداد وبالحزن تكسينا
ليه يا دنيا دائما بتظلمى قلوب تحبك
ليه يا دنيا ما ترحمينا
تعبت افكر فى بكرا وتيجى تصدمينا
العيب فيكى ولا فينا
كل ما اضحك وقلبى يفرح
واقول خلاص واحلم واحلم ببكرا جاى
اصحى على صوتك بتبكى وتجرحينا
مباتش اصدق خلاص وعودك
ليه دايما جراحنا سهله عليكى
 ليه دايما قلوبنا لعبه فى ايديكى
ليه دايما فى فرحك بتنسينا وفى حزنك بتدعينا
ليه يا دنيا يوم معانا وايام علينا
ليه افرحنا قليله
 العيب فيكى ولا فينا
العيب فى قلوب قاسيه ولا فى قسوتك
العيب فى عيونا ولا فى ظلمتك
العيب فى احلامنا ولا فى ضحكتك
ليه دائما يتضحكى وتبكينا
ليه يا دنيا بترحلى وقت الام وتزرعى فينا الالم
ليه يا دنيا شمسك تغيب فى يوم ربعنا
قوليلى يا دنيا العيب فى مين
فى النفوس الطيبين فى الحنين
فى ناس ضمائرها رحلت
فى النفوس الراضيين
وناس قلوبها قسيت
كتير بنشكى وكتير بنبكى
وكتير بنظلمك انت وزمنا
ونعيب عليكى والعيب فينا
اه يا دنيا مش بايدينا
نفوسنا ضعيفه 
واقدرنا وطرقنا مكتوبين علينا
العيب مش فيكى العيب فين 
لو نرضا  يوم بقسمتك
 يمكن نشوف بسمتك وتعود شمسك تدفينا

ليست هناك تعليقات:

إرسال تعليق